Waxaa maanta bilawday kala xulashada iyo isku shaandaynta astaamo, heeso, iyo callamo ay hindiseen abwaano, farshaxano iyo dad badan oo ku nool dunida daafaheeda, iyada oo ay shalay ku ekayd soo gudbinta dadku.

Guddiga ay xukuumadu u xilsaartay astaynta muunadeed ee Puntland ayaa sheegay in ay soo gaareen astaamo, heeso iyo callamo caaqiba leh, maalmaha soo socdana kala dooran doonaan, walow aanay sahlanayn in ay si fudud ukala doortaan cadadka soo gaaray awgii. 

Tartanka ayaa abuuray xiise gaar ah, si aad ahna ay uga qaybqaateen dad badan oo kala jooga dunida dacaladeeda, ayna tani siisay dhiirigelin dheeraad ah oo u ogolaanaysa in ay kaalin ku yeeshaan go'aamada iyo hawlaha dawlada; waxaana ay tusaale u tahay is-badelka maamul ee ka hanaqaaday Puntland ee iskaashi dhex mara shacabka, hay'adaha dawliga, ah iyo madaxda dawlada.

Waxaa la arkaa in ay horseedo kalsooni labaale ah, iyo is-weydaarsi afkaareed oo ay is dhaafsadaan madaxda iyo dadweynuhu.

Waa markii ugu horeysay ee shacabka laga talo galiyo go'aamada iyo mustaqbalka ummadda, halka sida gaalibka ah guddiyo farsamo loo saaro ikhtiraaca hawlaha noocan oo kale ah, iyaguna ay go'aan ka gaaraan, dadkuna aanay kaalin ku yeelan; marxaladaase waxaad moodaa in laga gudbay.

Mid ka mid ah heesaha ay allifeen abwaanada Puntland ee tartanka astaynta calanka, heesta iyo astaanka Puntland ayaan halkan idiin ku soo bandhigi doonaa.

Miraha heesta ayaa waxaa curiyey abwaan Maxamuud Axmed Cabdalle (Shiine) oo ku nool Maraykanka. 

Heestiina sidan ayay ku billaabataa:

Puntland barwaaqiyo
Baro weeye nabadeed
Bulsha caafimaadbaa
Mawlahay ku beeroo
Barkhadbaa u hoyatee

Waa dhul beri-samaadloo
Baaxaddiisu weyntoo
... Baaxaddiisu weyntoo
Macdan baa ka buuxdee

Boocamiyo Galdogob iyo
Badhan baa ku taallee
Boosaaso iyo Ayl 
Baylaa ku taallee

Bilan Gaalkacyiyoo
Bilicsame Garoowiyo
Beled Laasacaano
Buuhoodlaa ku taallee

Laasqoray baddeediyo
Xaafuun bidhaan wacan
Buuniga Qardho iyo
Ceerigaabo waad u bogi

Hooriska:

PUNTLAND PUNTLAND

Waa beyd nimcadu taal 
Baahi laguma seexdoo
Barbarkaad u eegtaba 
Waa wada baraaree
Rabbow noo badbaadi

BADBAADI...RABBOW NOO BADBAADI
Maxamuud Axmed Cabdalle (shiine)

Diiwaanka Wararka,
Idaacada Daljir.

Comments

Add New Search

Anonymous   |2009-12-19 20:47:49 waydhaqaaqday hanoolaato

Al-Dhaharaawi   |2009-12-19 20:57:32 Abwaanku aad buu ugu mahadsanyahay dadaalkiisi, iyo magaalada Ceerigaabo oo u heesta kusoo daray.

hassan  - duulaay   |2009-12-19 23:51:25 aniga oo ku hadlaya magaca rre xinglool waan ka soo hrjeedaa in lagu dari waaye heesta magaaladayda oo haatan ah magaalooyinka oogu fiicfiican puntland.

shariif  - hadaaftimo   |2009-12-20 00:28:51 asc aad ayaan ugu faraxsanahay dadaalka abwaanka heesta qiimaha leh iyo calanka qaaliga ah waxan kale oo u rajayn u loo doorto calanka iyo heestiisa sida hassan sheegay kkkkkkkk anigu waxan kaga soo horjeedaa magaladaydii laguma soo darin magaaladaas oo ah ufayn

Puntlander  - Calan Jabhad looma baahna   |2009-12-20 02:40:28 Calamada sedexda midab ka kooban oo dhan waa in laga saara tartanka inta uusan bilaaban. Puntland waa ineey yeelataa calan u gaar ah oo qofkii mar arka uusan ilaawin kuna qaldin calan horey Jabhad u lahaan jirtay. Waa in la keena maskax ka fiyoow calamadaas sedexda midab ah, kana turjumaaya reer Puntland dhaqankeeda iyo hanka eey ka leedahay mandaqada eey ku nool yihiin.

BB  - maaweelo   |2009-12-20 06:33:19 War masidii caruurta baa dadka lagu maaweelinayaa calan iyo hees baad yeelateen. Soomaali calan iyo hees horay u lahayd puntlandna waxaa loo dhisay in maamul dadka u adeega oo amaankooda iyo horumarkooda ka shaqeeya. Markaa waa in la is weydiiyaa maxuu faroole iyo dawladiisu qabatay oo uu dadka ugu ballan qaaday markii la dooranayey.

Guuleed  - Calanku waa afar midab   |2009-12-20 11:34:10 aad baan ugu bogaadinayaa abwaan shiine dedaalkiisa.Puntlander si fiican u eeg calanku afar midabe=Green, Blue, White, and Navy. Guul! Puntland Guul! Somali oo dhan

Baashe  - indheer garad   |2009-12-20 20:07:24 wardee heedhe waxa la yidhi marka geel loo heesey Gorayo u heestaa, sax-yaal heesaha niman abwaano ah ayaa soo xulay, raga ka caraysan Xingalool iyo H/timo iyo maxaa loogusoo dari waayay, dee adeerayaal magaalooyin baa loo heesee Daabiyado looma heesin , bilaa calayk meel hakaga dhicinina heesta, teeda kale hadii Badhan la sheegay iyo laasqoray dee iyaga ku daba fayla, oo igar ahaada nimankiina tuulooyinka u xanaaqsanow, Magalaalo nin kadudow yaa ku og,,,, inasha aidin niyad jebin maayee waad soo gaadhi doontaan,.ok

Anonymous   |2009-12-20 22:24:56 calanku waa qurux badan yahay ... lakiin waxaa shaki igaga jiraa heesta waayo waa in wadaninimo ka muuqataa heesta iyo jacaylka aad wadankaaga u qabto.. heeskale hala keeno..tani magalooyin ayay faaininaysaa........... waxaa astaamaha heesaha qaranka ka mid ah in heesta ay mowadinimo ka muuqato..iyo inaad u dagaalanta wadankaaga iyo inaad u dhimato..

Saalax  - Beydka labaad ee heesta waa saan Daljir baa soo da   |2009-12-21 11:12:43 Beydkan magaalooyinkuunbaa laga saaray ___________________________________ Pun tland barwaaqiyo Baro weeye nabadeed Bulsha caafimaadbaa Mawlahay ku beeroo Barkhadbaa u hoyatee Waa dhul beri samaadloo Baaxaddiisu weyntoo ...Baaxaddiisu weyntoo Macdan baa ka buuxdee Berri iyo Bad labadaba Weli lama ballaynoo Magantaa ku baridee Hoy lagu badbaadaay Buuritiyo Bannaankiyo Xeebaha ballaartiyo Durdurrada buutaacaa Bilicbaa u gaaree Ugaadhaa ku badanoo Beeyadiyo Maydiga Dhirtu noocya badaniyo Waa boqol kunoo cayn Hooriska: PUNTLAND PUNTLAND Waa beyd nimcadu taal Baahi laguma seexdoo Barbarkaad u eegtaba Waa wada baraaree Rabbow noo badbaadi BADBAADI RABBOW NOO BADBAADI

Maxamud  - Mahad Celin iyo hees gaara   |2009-12-22 13:11:35 Maxamuud A. Cabdalle (shiine) says: Your comment is awaiting moderation. December 22, 2009 at 8:53 am Dhammaan waan mahad naqayaa akhristayaasha. Run ahaantii fikirkiinna ayaa halabuur ka bilawdaa. In badan oo idin ka mida ayaa waxay isoo weydiisay inaan hees calanka u gaar ah soo raaxiyo, tan waddaniyadda ee aan hore u soo raaciyey calanka. Haddaba heesta calanka waatan ee guddooma. HEESTA CALANKA Afar midabyaloow, Calanyohow aslani Arligaagu waa, Asalkaagi hore Abyid qarannimee, Puntland Ogoow! Afar midabyaloow, Isirkaagu waa Xiddig oogadiyo, Akhdar iyo buluug Idhankee baddee, Puntland Ogoow! ? Afar midabyaloow, Astaantaadu waa Islaam iyo waddani, Nabad iyo awood Iyo aamminee, Puntland Ogoow! Afar midabyaloow, Aqalkaagu waa Il barwaaqo iyo, Nolol aayatiin Dhulka uduggalee, Puntland Ogoow! Afar midabyaloow, Oogada cirkiyo Idil xeebihiyo, Xarumaha amniga Ha lagaa arkee, Puntland Ogoow! ...

Anonymous   |2009-12-22 20:12:21 waxan waa buraanbur hees maaha

wadani   |2010-03-09 18:37:25 waryaahe habaraw raga waxka sheegin oo heesta calanka wax hawdhimine raga gees uga baydh waa adigan buraan buraan bur sheega yee ma bilis baad tahey

Write comment
Name:
Email:	do not notifynotify
Title:

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."