Barlamaanka Dawlad-goboleedka Puntland ayaa maanta ansixiyay datuur sannado badan dib uga dhacacay xilligii la filayay. Dastuurkan ayuu qorshuhu yahay in ay Puntland uga gudubto maamulka ku dhisan dhaqanka una gudubto ismaamulka casriga ah.

Dastuurkan waxa lagu saleeyay nidaamka federaalka, waxana soo baxaya tuhun ay dadka qaarkii ka qabaan in Puntland u jihaysato goosasho.

Qodobada dadku su’aalaha iska waydiinayaan ayaa waxa ka mida kuwa khuseeya magaca maamulka oo dastuurkan cusub ku noqon doona “Dawladda Puntland” halka uu markii hore ka ahaa Dawlad-goboleedka Soomaaliyeed ee Puntland. Sidoo kale dawladdaas waxa ay yeelan doontaa calan iyo astaan u gaar ah.

Wasiiru-dawlaha Dastuurka iyo Xiriirka Arimaha Federaalka ee Dawlad-gobaleedka Soomaaliyeed ee Puntland Dr. Cabdi Xasan Jimcalae ayaa  sheegay in ayan waxba ka jirin doodda ah in Puntland ay doonayso in ay ka go’do Soomaaliya, waxase uu sheegay in ay Puntland ku qanacsan tahay nidaamka federaalka, sidaas darteedna arimaha khuseeya magaca, calanka iyo astaantuba in ay caadi ka yihiin dawladaha isticmaala nidaamkaas.

Dr. Jimcaale, waxa uu sheegay in ay ka qayb-qaadan doonaan maamul ahaan qorista dastuurka Jamhuuriyadda Federaalka Soomaaliya, arimahaasna ay xiriir fiican kala leeyihiin hogaanka Dawladda Federaalka Ku-meel-gaarka ah. Waxa uu sheegay in marka laga reebo nidaamka guud ee Federaalka, in wixii intaa ka sokeeya ay Puntaland diyaar u tahay in ay wada-xaajood iyo gor-gortan ka gasho.

Waraysiga Wasiirka Dastuurka iyo Arrimaha Federaalka ee Puntland Dr. Cabdi Xasan Jimcaale ka dhagayso midigta sare ee boggan

hadaaftimo media centre

Comments

Add New Search

xadeed  - geel wax walba cuntaye ma maaantaad ciin daaqday   |2009-07-01 16:22:13 PUNTLAND MAALINBA MAALINTA KA DANBAYSA WAY SOO SUMCAD XUMAANAYSAY BALSE MAANTA WAXAAN AAD UGA NAXAY CALANKII XIDDIGTA LAHAA OO LA BEDELAY

Write comment
Name:
Email:	do not notifynotify
Title:

Powered by !JoomlaComment 3.26

3.26 Copyright (C) 2008 Compojoom.com / Copyright (C) 2007 Alain Georgette / Copyright (C) 2006 Frantisek Hliva. All rights reserved."